‘Sablay’ ang mga ‘banat’ kay Comm. Jagger

January 17, 2019

BAGO ang lahat, mainit munang pagbati sa ating mga ‘Birthday Boys and Girls’ ngayong buwan, partikular na kay QCPDC chairman of the board at NPC ‘diehard supporter, Jan Sino Cruz, na ‘celebrant’ ngayong araw.

Mabuhay ka, brod at harinawang “malasing” mo kaming lahat, hehehe!

* * *

Ilang araw na ngayong “nababaterya” sa ‘mainstream media’ ang Bureau of Customs (BoC) kung saan, siyempre, “dawit” si Comm. Jagger Guerrero.

Partikular na sentro ng “batikos” ay ang “pananatili” pa rin sa BoC ng may 20 ‘appointees’ ni PDU30 sa termino ni Comm. Sid Lapeña.

Nang palitan kasi ni Comm. Jagger si Comm. Sid noong Oktubre, naghain ng kani-kanilang ‘courtesy resignations’ ang mga nasabing appointees; ang ilan pa nga sa kanila ay tuluyan nang umalis sa Aduana, katulad ni deputy commissioner for administration Gladys Rosales at, deputy commissioner for intelligence, Dick Quinto.

Sa panig naman ng iba pang appointees, katulad ni CIIS director, Jeff Tacio, lalabas naman siyang “iresponsable” at lumalabag sa batas sakaling umalis siya sa puwesto nang wala namang inilalagay ang Malakanyang na “kapalit” niya bilang CIIS director.

‘Abandonment of post’ kasi ang simpleng tawag dito na may katumbas na parusa. Dati ring sundalo si Dir. Tacio at kung hindi pa alam ng mga kritiko, ‘cardinal sin’ sa isang sundalo na “layasan” mo ang iyong puwesto ng wala ka pang “relyebo.”

Aber, kung nasa serbisyo pa si Dir. Tacio, sakaling basta na lang siya umalis sa puwesto, ‘court martial’ ang susunod na eksena, dear readers, eh, sino ang may gustong mangyari ‘yan, aber?

Kaiba naman sa ibang kritiko ng Aduana sa media, kasama ang ‘customs beat’ sa ating ‘assignment,’ dear readers.

At direkta naman nating nakakasalamuha ang karamihan sa mga ‘target’ ngayon ng pagbatikos ng ilan nating mga kasamahan sa media.

Simple lang din ang kanilang “mensahe” sa lahat: Kung may kapalit na sila, kung tinapos na ni Pang. Digong ang kanilang serbisyo sa Aduana, agaran na silang “aalis.”

Translation? “Puwede” ba, mga bosing, “maghintay” lang tayo, please!

Sa ganang atin pa, “sablay” ang mga batikos na “umuulan” ngayon kay Comm. Jagger.

Dangan kasi, kung may dapat “kulitin” sa nasabing “isyu” ay walang iba kundi ang Palasyo -- na wala rin namang dapat na gawin kundi simpleng “tanggapin” lang naman ang mga nasabing courtesy resignations.

Kung bakit ‘no action’ pa rin ang Palasyo sa bagay na ito, marahil si ‘Palace spokesman’ Sal Panelo ang dapat na “araw-arawin” na “labardahin” ng mga kritiko, hehehe.

Ano nga ba kasi ang “karapatan” ni Comm. Jagger na “pangunahan” ang desisyon ni PDU30 aber?

At napag-usapan na rin lang ang Aduana, may “panawagan” din si Comm. Jagger at DCI Raniel Ramiro, dear readers.

At ito ay, walang katotohanan ang mga malisyosong “balita” sa pantalan na may ‘authorised extortion agents’ si Comm. Jagger at DCI Ramiro.

Dangan kasi, agad naging “maugong” sa pantalan ang intrigang ito kung saan nalaman pa natin na mayroon nang ilan sa hanay ng mga ‘brokers’ at ‘consignees’ ang mga nabiktima.

Sa partikular, tinukoy ni DCI Raniel ang mga umano’y “nangongolekta” gamit ang kanilang opisina na sina alias ‘Kiko,’ alias ‘Jun D’ at itong notoryus na si alias ‘Abu Sarap.’

Uulitin natin: Walang kinalaman si Comm. Jagger at DCI Ramiro sa tiwaling gawain ng mga nabanggit at iba pang gumagasgas ngayon ng kanyang tanggapan at ng OCCOM.

Sa mga “nadenggoy,” ang panawagan ni DCI Ramiro ay “makipagtulungan” sa kanyang tanggapan para mahuli at maipasok sa “karsel,” sa kasong ‘robbery extortion’ at ‘usurpation of authority,’ ang mga oportunistang ito.

Abangan!