‘Suko-tsutsu’ ng NPA at ‘Boss Al’ “iyak” kay ‘Charlie’

February 28, 2020

MAY “nabisto” umano ang militar na bagong “estratehiya” ng mga komunista, mga kabayan.

Sa ‘intel report,’ sinasabing “gagamitin” ng mga NPA ang programang “balik-loob” ng  gobyerno ‘to their own advantage,’ wika nga.

‘Yun bang… hindi na nila “kokontrahin” ang “pagsuko” ng iba nilang mga kasamahan sa “kasunduan” na sila ang magiging mga “espiya” ng armadong kilusan kapag nakabalik na sila sa hanay ng mga sibilyan.

Aba, talagang “mainam” na “plano” ito dahil wala tayong makitang ‘disadvantage’ sa panig ng mga komunista habang nakalagay sa “balag ng alanganin” ang pamahalaan.

Sa ilalim kasi ng “balik-loob” at “ECLIP,” malaki ang ‘financial incentive’ sa mga rebelde, lalo pa nga kung sa kanilang pagsuko ay may bitbit pa silang mga armas na may katumbas na halaga bawat isa.

Mayroon ding ‘livelihood assistance’ para sa mga “nagbalik-loob” at kanilang pamilya upang masimulan nila ang “pagbabagong-buhay.”

At ang pinakamahalaga sa lahat, aalisin na sila sa ‘active combatant list’ ng AFP at PNP kaya malaya na silang makapamumuhay at hindi na sila kasama sa ginagawang ‘surveillance’ ng mga nasa ‘intel community.’

Translation? “Epektibo” nilang magagampanan ang kanilang “bagong papel” bilang mga “espiya” ng CPP-NPA sa kanilang mga lokalidad.

At may isa pa ring “bentahe” ang estratehiyang ito, hindi ba, dear readers? At ito ay ang gawing “tamang hinala” ang mga opisyal ng AFP at PNP na ang magiging “ultimo resulta” ay maging isang “sawi,” ehek, “bigong programa,” ang ECLIP.

Estratehiyang “suko-tsutsu,” magaling ang nakaisip nito, hehehe!

Abangan natin ang mga susunod na kabanata!

***

Naniniwala tayo na hindi lahat ng opisyal at mga nasa ‘juicy position’ sa ating pambansang pulisya (PNP) ay “nalulungkot” sa utos ni Chief PNP Archie Gamboa, na ‘all-out war’ laban sa sugal (illegal gambling).

Dangan kasi ang agarang “tinamaan” sa kanyang deklarasyon ay ang “jueteng” (kung saan “patong” ang maraming pulis) at ang ‘bookies’ ng karera (kung saan mga pulis din o mga bataan nila ang mga mismong ‘operator’).

Dangan kasi, “tahimik” subalit walang habas sa “pamamayagpag” itong ‘online sabong.’

Aber, huwag na rin sanang maging ipokrito ang mga “yorme,” Games and Amusement Board (GAB), CIDG-PNP at kahit ang DILG, mga kabayan.

At “atong-atong,” este, “atin-atin” na lang, dear readers. Alam ba ninyo na partikular dito sa Metro Manila, talamak at ‘open house’ ang operasyon ng online sabong- Maynila, Caloocan, Valenzuela, Quezon City, Pasay City, ‘among other places,’ wika nga.

“Paano mangyayari yan, samantalang kahit ang ‘tupada’ ng manok at mga sugal kapag may patay,” ipinagbawal ko rin,” ito marahil ang “resbak” sa sinasabi sa atin ni Chief PNP.

Eh, “bosing,” nangyayari nga, ano ka ba, hehehe!

Dahil nga kasi ‘high-tech’ na ngayon, dear readers, hindi na kailangan pang magpunta sa mga sabungan ng mga mahilig sa sabong.

Andyan naman kasi ang mga “makina” ng mga lehitimong ‘OTB’ (off-track betting) station para sa karera ng kabayo na ‘betting station’ na rin ngayon ng online sabong.

Ang pagkaalam natin, “iligal” ang online sabong, mga kabayan, dahil una nga, wala naman itong batayan sa batas sa usapin ng prangkisa at mga ‘local ordinances.’

Kung bakit naman hindi ito masawata ng mga LGUs, GAB, PNP at kahit ng DILG, eh, sa magkano, ehek, sa ano kayang dahilan? “Sobrang laki” ba, hehehe!

Dangan kasi, may mga nakaraang pangyayari kung saan walang tigil ang kampanya ng GAB at CIDG laban dito sa online sabong kung saan karamihan sa mga nahuhuli ay ang mga pobreng ‘otb teller’ na gusto lang namang madagdagan ang kinikita dahil sa hindi mapigil na “pagbagsak” ng ‘horse racing industry.’

Ang “napansin” naman ng mga miron, pulos mga tauhan nitong si ‘Boss Al’ ang nahuhuli!

Pero itong “kalaban” na online sabong nitong si ‘Boss Charlie,’ aba’y bulag, pipi at bingi ang lahat nating awtoridad, hihihi, ayy, huhuhu!

Translation? “Iyak” itong si Boss Al dito kay Boss Charlie dahil “wala sa kalingkingan” ang kanyang “werpa” at ‘political connection’ dito sa kanyang kalaban.

Translation pa ulit? ‘War on Corruption’ ni Pang. Rody? “Wala” rin ‘yan, hehehe!

Abangan!