Nadine vs Angelica, James vs Carlo

March 21, 2019

ANG award-winning screenplay writer na si Ricky Lee ang head ng awards screening committee ng ika-67th FAMAS Awards na nakatakdang ganapin sa Meralco Theater  sa darating na April 29.  Siyam na pelikula ang maglalaban-laban sa Best Picture award at ang mga ito ay ang “Ang Dalawang Mrs. Reyes,” “Ang Panahon ng Halimaw,” “A Short History of a Few Bad Things,” “Dog Days,” “Goyo: Ang Batang Heneral,” “Kung Paano Siya Nawala,” “Never Not Love You,” “Never Tear Us Apart a.k.a. Fisting” at “Oda Sa Wala”.

Frist time at pareho namang nominated bilang best actress at best actor, respectively, ang magkasintahang Nadine Lustre at James Reid mula sa pelikulang “Never Not Love You” na dinirek ni Antoinette Jadaone for Viva Films.  Nominated din for same category ang dating magkasintahang Angelica Panganiban at Carlo Aquino for “Exes Baggage” na dinirek naman ng boyfriend ni Direk Antoinette na si Dan Villegas for Black Sheep Productions.

Ang iba pang nominees for Best Actress ay sina Judy Ann Santos for “Ang Dalawang Mrs. Reyes,” Sarah Geronimo for “Miss Granny,” Anne Curtis for “Sid and Aya (Not A Love Story),” Glaiza de Castro for “Liway,” Pokwang for “Oda sa Wala,” Perla Bautista for “Kung Paano Hinintay ang Dapithapon,” at Iyah Mina for “Mamu: And A Mother Too”.  Habang ang iba pang nominado sa pagka-best actor ay sina Eddie Garcia, Alwyn Uytingco for “Asuang,” JM Guzman for “Kung Paano Siya Nawala,” Dante Rivero para sa “Kung Paano Hinintay ang Dapithapon,” Mon Confiado sa “El Peste” at si Christian Bables for “Signal Rock”.